علي غيط لخص الحكاية : اعضاء الجمعيه العموميه يوم الأربعاء هو الفرصة الأخيرة لإنقاذ النادى.

رأت القنال نيوز إن اللواء علي غيط عضو الجمعية العمومية للنادى الاسماعيلي وعضو المجلس سابقا أن تنشر ما كتبه علي صفحتة الشخصية على موقع التواصل الاجتماعي فيس بوك لأن ما كتبه نجم الدراويش السابق فيه كل الحقائق وردود شافيه حول قلة من يقودون حملة سحب الثقة من مجلس الهبوط

الاخوه_متصدرى_المشهد

معلش كلمتين يمكن يزعّلوكوا، بس أنا اتعودت أقول الحقيقة مهما كانت، لأن اللى بيفهم بيريّح، والصدق هو اللى بيحبه ربنا. حضور_اليوم_الكارثى .. العدد كله 630 فقط (450 عضو + 180 موظف).
طيب… مش كان أولى الدعوة للمقاطعة بدل ما نصدر إحباط للناس طول اليوم؟
الجمعية دى كانت لتوفيق الأوضاع فقط، دعا ليها المجلس علشان يجمّل صورته، فكان الأفضل نسيبهم لوحدهم ونركّز فى المعركة الحقيقية.

8 اكتوبر_جمعيه_عموميه
المجلس مجبر يقيمها قانونًا رغم عدم رغبته، لأنها هتناقش رفض الميزانية وتجديد رغبة الأعضاء فى طرح الثقة.
يعنى دى المعركة الحقيقية اللى لازم نركز فيها ونحشد ليها بكل قوتنا، مش نشتت مجهودنا فى بروفة جانبيةخسرانه وتؤثر على معنويات الناس.

الموضوع مش بالهيصة ولا بالعدد… .. الموضوع بالكيف، بالمصداقية، وبالإقناع.
خدوا اللى حصل النهارده كجرس إنذار لإعادة التفكير وتنظيم الصفوف.

اعضاء_الجمعيه_العموميه
يوم الأربعاء هو الفرصة الأخيرة لإنقاذ النادى.
يا نحتفل سوا ونقول “مبروك”،
يا نقول – لا قدر الله – “البقاء والدوام لله”.