موسم التسريبات والليكات والنفاق واضحك عشان الصورة تطلع حلوة !!
ده موسم الضرب تحت الحزام ، ونشر الإشاعات والتسريبات ، والليكات والنفاق المباح ، ده موسم الانتخابات ….
ده موسم تقريبا شهر أو أكثر كل خمسة أعوام ، متاح فيه كل شيء ، وبعده بيكون عندنا فترة كده من اللخبطة في الخلايا والجينات حتى تستقر حالة الناس وتبدأ ترجع إلى شكلها الأقرب للطبيعي.
المهم أن كل شيء متاح ، ومفيش حاجه اسمها اضحك عشان الصورة تطلع حلوة ، لأنك هتضحك هتضحك بمزاجك أو غصب عنك.
المهم أيضا أنك لازم تصدر مواقفك واضحا وصريحا ، أنت مع ولا ضد …هااااا ، قول مع مين وضد مين !!
طيب ، هل ده في مصلحة الانتخابات ولا كما تقول الحكمة الشهيرة الانتخابات تأتي بأسوأ المرشحين !!
مصلحة الانتخابات ومصلحتك أنك تركز ، لا تشغل بالك في تسريب ولا إشاعة ولا كام إعجاب على الطاير اضطراري احسن تتحط في القائمة السوداء عند المرشح !!
مصلحتك أن الساحة مفتوحة وكل واحد من حقه يرشح نفسه ، المختلف معه قبل المتفق ، المهم أنت تختار مين ؟
مصلحة الجميع حسن الاختيار وعدم الانشغال بالفيس بوك وشفت اخر تسريب لفلان ، ثواني هبعتلك ، وشفت أخر إشاعة طالعه على علان ، هكلمك !!
اختار صح ، على الأقل عشان تكون عملت ما عليك أمام الله ونفسك ، ولا تشغل بالك بأي شيء مهما كان سلبيا ، لأن الله لا يغير ما بقوم حتى يغيروا ما بأنفسهم !!