دينا جمال : ليه تكسروا فرحة طالب متفوق ـ رفع راس محافظة الشرقية ـ ولاعزاء « للشامتين الحاقدين »
حرصت الدكتورة دينا جمال رئيس مجلس إدارة جمعية سفراء الخير علي الذهاب إلي منزل الطالب عبد الله محمود عمر أول الجمهورية علمي علوم ابن مدينة فاقوس لتهنئته علي التفوق والانجاز الفريد الذي حققه ليكون فخرا وشرفا لكل أبناء محافظة الشرقية
وعبرت الدكتورة دينا جمال عن سعادتها بهذا الإنجاز الذي حاول كثيرون التشكيك فيه وقالت الدكتورة دينا جمال فى بوست نشرته علي صفحتها الشخصية علي موقع التواصل الاجتماعي فيس بوك: كفايه بقى هري
شمتوا فينا اللى برا البلد والمحافظات التانيه
ده كله غل و حقد على الطالب عبدالله الاول علي الجمهوريه .. ميمنعش ان فيه ناس نجحت بالغش والسماعات واكيد ربنا لن يبارك فى حياتهم القادمة اللى بدأت بالغش، .. لكن كسرتوا فرحه الولد دون دليل حرام عليكم بجد .. ده بشهاده مدرسينه و زمايله والناس كلها قالوا ان الطالب متفوق .. وطلع كمان لايف بكل شهادات تقديره فى السنين اللى فاتت وانه من الطلبه المتفوقين
طالع يبرر ،، بدل ما دلوقتى بيحتفل كفاياكم بقى كسره قلب الولد .. والولد حافظ القرآن وشكله هو ووالده ووالدته ناس محترمه .. وبعدين عنده اخ اكبر فى طب
يعنى من الواضح انهم ما شاء الله عليهم شاطرين .. لا و الست النائبه بتاعت الزقازيق رايحه تعمل طلب احاطه فى طلابنا .. معلش ما انتى مش لاقيتى نائب عندنا يرد
الطالب عبد الله محمود رفع راسنا رفع راس محافظة الشرقية .. ولاعزاء للشامتين الحاقدين مبروك لكل الطلبه المجتهدين ولكل الطلبه اللى تعبوا وربنا اراد بمجموع اقل
صدقونى المجموع ده مجرد رقم .. النجاح الحقيقى فى المكان اللى هتثبت نفسك فيه
